Politica juridic sur le utensile Information IP de Wikimedia

Le utensile Information IP adjuta le usatores a proteger le projectos de Wikimedia forniente le informationes sur adresses IP que illes require. Como condition de accesso, le usatores debe declarar se de accordo con le sequente politica.

Contexto

Le Sitos de Wikimedia es le producto collaborative de un communitate global de usatores voluntari. Le Sitos pote esser modificate con o sin apertura de session a un conto de Wikimedia. Certe usatores, post aperir session, recipe le accesso a informationes limitate sur adresses IP pro adjutar les a combatter o investigar violationes potential del politicas del Fundation Wikimedia o de communitates de usatores.

Objectivo

Le utensile Information IP ha essite disveloppate pro rationalisar le labor anti-abuso concentrate sur le modificationes de contributores non registrate e non authenticate.

Requisitos de accesso

Le usatores qui satisface le Requisitos minime de accesso stipulate in le Politica de Accesso a Adresses IP de Contos Temporari de Wikimedia es eligibile a usar le utensile Information IP e tote le datos que illo forni. Pro ganiar accesso, le usatores debe activar le utensile in Special:Preferentias. Facer isto significa que tu accepta esser ligate per le conditiones del presente Politica (le Politica del utensile Information IP).

Remotion del accesso

Le usatores pote voluntarimente renunciar a lor accesso al utensile a omne momento visitante Special:Preferentias.

Preoccupationes sur possibile abusos del utensile Information IP pote esser presentate a un steward inserente un requesta sur Steward requests/Permissions#Removal of access. Le stewards es autorisate a terminar le accesso de un usator al utensile Information IP si es determinate que ille ha misusate le instrumento. Si necessari, requestas de revision per le personal de Confidentia & Securitate del Fundation pote esser inviate a cawikimedia.org, e le accesso del usator pote esser removite in concordantia con le Politica de actiones del officio. Reclamationes concernente violationes del Politica de confidentialitate essera submittite a revision per le commission de mediation.

Pro assecurar le responsabilitate, es mantenite un registro del uso del utensile e del usatores que ha accesso a illo. Ulterior detalios es fornite infra.

Uso e divulgation de information IP

Le uso del utensile Information IP es limitate a certe circumstantias e contextos. Iste section tracta le situationes in le quales le utensile pote esser usate e quando le information obtenite per iste instrumento (“information IP”) pote esser divulgate.

Uso de information IP

Le fines permittite de uso es definite in le Politica de Accesso a Adresses IP de Contos Temporari de Wikimedia, in le section Uso de adresses IP de contos temporari.

Le utensile non debe esser usate de maniera illegal e non debe esser usate pro inappropriatemente menaciar o mitter sub pression le usatores del Sitos que non es implicate in activitate prohibite.

Le exactitude del informationes fornite per iste utensile non es garantite. Le utensile Information IP actualmente monstra datos proveniente de Spur feeds via le servicio iPoid e del bases de datos GeoLite2 de MaxMind. Le uso del utensile es subjecte al Terminos e Conditiones General de Spur Intelligence Corporation e al Contracto de Licentia del Usator Final de MaxMind. Regrettabilemente, pois que non existe alcun alternativa liberemente licentiate pro iste informationes, illos es subjecte a plus restrictiones que le utensiles typic sur Wikipedia. In particular, le sequente restrictiones debe esser observate:

• Non usar, copiar, o crear obras derivative de alcun information proveniente del utensile, excepte si isto es rationabilemente necessari pro le uso del utensile.
• Non permitter a alcuno altere que tu de usar le utensile.
• Non usar le utensile con le scopo de identificar le ver nomine o le adresse physic de un usator.

Le software allogiate externemente non recipera permission de usar le utensile Information IP a causa del uso de datos proprietari de Spur e MaxMind in le utensile.

Divulgation

Durante le effortios pro mantener secur le Sitos e lor usatores, le usatores pote a vices haber necessitate de divulgar informationes IP a tertios. Le divulgationes permittite es limitate al sequente circumstantias:

• Omne usatores de iste utensile pote divulgar informationes IP a altere usatores del utensile Information IP con derectos de accesso, solmente quando es necessari. Pro verificar si un usator ha accesso al instrumento, verifica le derecto ipinfo-viewer sur le pagina Special:Log/rights local del Sito. Si possibile, le usatores debe remitter altere usatores del instrumento al pagina de contributiones relevante in loco de divulgar directemente le information IP.
• Usatores que ha acceptate le Politica de accesso a datos personal non public separate pote etiam divulgar informationes IP como permittite sub ille politica (incluse omne exceptiones approbate sub iste politica).

Si es necessari divulgar informationes IP in connexion con un menacia de damnos physic imminente, invia immediatemente un e-mail a emergencywikimedia.org con le detalios del requesta, de maniera que illo pote esser evalutate pro un possibile divulgation per o in nomine del Fundation Wikimedia.

Vide etiam

• Pagina del projecto Contos Temporari
• Pagina del projecto Information IP
• Temporary accounts help page – con informationes pro detentores de conto temporari