Definitiones del politica de confidentialitate del Fundation Wikimedia

Quando nos dice…	…nos vole dicer:
“le Fundation Wikimedia” / “le Fundation” / “nos” / “nostre”	Wikimedia Foundation, Inc., le organisation sin scopo lucrative que opera le sitos de Wikimedia.
“Sitos de Wikimedia” / “nostre servicios”	Le sitos web e servicios de Wikimedia (sin respecto al lingua), includente nostre projectos principal, como Wikipedia e Wikimedia Commons, assi como applicationes mobile, Interfacies de Programmation de Applicationes (APIs), messages de e-posta, e notificationes; excludente, nonobstante, le sitos e servicios listate in le section “Lo que iste politica de confidentialitate non coperi" infra.
“tu” / “tue” / “io” / “me” / “mi”	Tu, sia un individuo, gruppo o organisation, e sia que tu usa le sitos de Wikimedia o nostre servicios pro te mesme o pro un altere persona.
“iste politica” / “iste politica de confidentialitate”	Iste documento, titulate le “Politica de confidentialitate del Fundation Wikimedia”.
“contributiones”	Le contento que tu adde o le modificationes que tu apporta a qualcunque sitos de Wikimedia.
“Information personal” / “Datos personal”	Informationes que tu nos forni o informationes que nos collige que te concerne o que pote esser usate pro identificar te personalmente. Pro esser clar, ben que nos non necessarimente collige tote le sequente typos de information, nos considera que al minus lo sequente es includite: (a) tu nomine real, adresse, numero de telephono, adresse de e-mail, contrasigno, numero de identification in documentos de identitate emittite per le governamento, adresse IP, informationes de agente de usator, numero de conto de pagamento; (b) quando associate con un del elementos in subsection (a), qualcunque datos sensibile como data de nascentia, sexo, orientation sexual, origines racial o ethnic, stato marital o familial, conditiones medical o incapacitates, affiliation politic, e religion.
“conto standard”	Un conto pro le qual tu pote inscriber te pro explorar o modificar le sitos de Wikimedia. Typicamente, tu non es obligate a fornir plus que un nomine de usator e contrasigno pro crear un conto standard.
“conto temporari”	Un conto e identificator generate automaticamente usate pro attribuer modificationes facite quando tu non aperi session a un conto standard. Tu non forni un nomine de usator o contrasigno pro crear un conto temporari.
“tertio” / “tertios”	Individuos, entitates, sitos web, servicios, productos e applicationes que non es controlate, gerite o operate per le Fundation Wikimedia. Istes include altere usatores de Wikimedia e organisationes o gruppos independente que adjuta a promover le movimento Wikimedia como capitulos de Wikimedia, organisationes thematic, e gruppos de usatores assi como voluntarios, empleatos, directores, functionarios, recipientes de subventiones, e le contractatos de ille organisationes o gruppos.