Politica de confidentialitate: glossario de terminos clave
 | Iste glossario es intendite pro adjutar te con alcun terminos in nostre Politica de Confidentialitate que tu poterea non cognoscer e que non face parte de nostre Politica de Confidentialitate official. |
Glossario del terminos clave del politica de confidentialitate del Fundation Wikimedia
APIs
Un "interfacie de programmation de application" o "API" (application programming interface) es un protocollo de communication que permitte a componentes de software communicar se inter se. Le API de MediaWiki, per exemplo, permitte a instrumentos de software de tertie partes communicar con sitos de MediaWiki (incluse Sitos de Wikimedia) pro executar certe actiones, como leger o modificar un pagina, automatica- e distantemente. Lege plus sur Wikipedia.
Navigatores
Un “navigator” es un application de software que le gente generalmente usa pro acceder a internet. Exemplos de navigatores popular include Chrome, Firefox, Safari, e Microsoft Edge. Apprende plus sur Wikipedia.
Cookies
Un "cookie" es un micre file de datos que nos transfere a tu computator, telephono mobile, o qualcunque altere apparato que tu usa pro acceder al Sitos Wikimedia, generalmente usate pro authentification e occasionalmente pro traciar. Cata cookie expira post un certe periodo de tempore, ma iste periodo varia dependente del objectivo de uso del cookie e del configuration de tu navigator. Un cookie de "session" generalmente expira quando tu claude tu navigator web o application mobile. Un cookie "persistente" remane in tu apparato, mesmo post que tu claude tu navigator o application mobile. Un cookie persistente expira secundo le duration fixate per nos (o quando tu lo dele manualmente). Apprende plus sur Wikipedia.
Tu pote remover o disactivar cookies via le parametros de configuration de tu navigator.
Non traciar (DNT)
"Non traciar" o "DNT" (Do Not Track) es un maniera pro tu navigator web de dicer al sito web que tu visita que tu non vole esser traciate per tertie partes cuje sitos web tu non visitava, como servicios de analyse, retes de publicitate e platteformas social. Quando on usa iste mechanismo, un signal es inviate per tu navigator, exprimente tu desiro que tu informationes personal, particularmente illos concernente tu activitates in linea e interactiones de rete, non debe esser transmittite a tertie partes. Quando on recipe un signal DNT inviate per tu navigator, le persona o entitate que possede le sito web ha le option de honorar o ignorar le requesta mentionate supra.
GPS
Le "systema de positionalmente global" o "GPS" (Global Positioning System) es un systema de navigation per satellite, basate in le spatio, que forni informationes de position geographic e de tempore del position de apparatos concipite pro reciper lor signales, como systemas de navigation de automobiles o telephonos mobile. Lege plus sur Wikipedia.
Adresse de Protocollo Internet
Un adresse de Protocollo Internet (o "adresse IP", ubi IP deriva del anglese Internet Protocol) es un numero unic assignate a un dispositivo particular connectite al Internet. Tu adresse IP pote non sempre esser le mesme in un dispositivo particular, dependente de un numero de variabiles como tu utilisation de un servitor proxy o un rete corporative. Nonobstante, in general, le adresses IP es assignate secundo le position geographic de tu dispositivo e de tu fornitor de servicio de internet, e poterea esser utilisabile pro approximar tu position geographic in le vita real. Lege plus sur Wikipedia.
JavaScript
"JavaScript" es un linguage de programmation de software standard usate sur le major parte de sitos web moderne. Lege plus sur Wikipedia.
Immagazinage local
Le "immagazinage local" (cognoscite etiam como "immagazinage web") es un maniera pro un sito web de colliger e immagazinar information "localmente" (i.e., sur le apparato del usator e non sur le servitor del sito web) pro poter recuperar lo plus tarde. Per exemplo, con le immagazinage local, le visitas de un usator pote esser recordate sur le proprie computator, contate, e alora transmittite a nos. Isto nos permitte reciper statisticas de uso importante (le contage de visitas), durante que le information specific de quando cata visita individual occurreva non es jammais transmitte a nos.
Metadatos
"Metadatos" significa informationes additional sur un file particular (como un photo o video) que normalmente include cosas como le fabricante e modello del apparato que prendeva un photo, le data e hora de prisa del photo, le tempore de exposition, le longitude focal del lente, le indice de velocitate ISO, e le numero f. Alcun metadatos es includite automaticamente per le apparato e alcunes es scribite per le proprietario del apparato. Lege plus sur Wikipedia.
Systema de operation
Un "systema de operation" es un programma de software que administra le ressources material de tu apparato e executa functiones basic como gerer files, recognoscer quando tu scribe qualcosa in le claviero, e inviar sortita a tu schermo. Exemplos de systemas de operation commun include Linux (etiam cognoscite como GNU/Linux), iOS, Windows, Mac OS X, e Android. Lege plus sur Wikipedia.
Servitores proxy
Un "servitor proxy" es un servitor que age como intermediario inter tu apparato e le servitor del qual tu apparato demanda information (connexion a un pagina web, un file, etc.). Lege plus sur Wikipedia.
Pixel de traciamento
Un "pixel de traciamento" (a vices appellate "fanal web", "GIF transparente", "GIF clar", "GIF de pixel", o "etiquetta de pixel") es un imagine minuscule e invisibile que nos permitte traciar le activitates sur le Sitos de Wikimedia o le activitates basate sur le notificationes de e-mail que nos invia. Ben que le le pixels de traciamento es communmente associate al publicitate, nos non usa jammais le pixels de traciamento pro scopos publicitari, e nos non vende o arrenta le informationes colligite per pixels de traciamento. Le informationes colligite per pixels de traciamento pote solmente esser condividite con tertie partes in forma aggregate e in conformitate con le Politica de Confidentialitate. Le pixels de traciamento nos adjuta a discoperir si certe functiones, notificationes e productos es effective e si illos pote esser meliorate. Lege plus sur Wikipedia.