Politica:Politica de confidentialitate/Summario
Vole adjutar a traducer? Traduce le messages mancante.
Politica de confidentialitate del Fundation Wikimedia
Isto es un summario del Politica de Confidentialitate. Pro leger le terminos complete, clicca hic.
Attention: Iste summario non face parte del Politica de Confidentialitate e non es un documento juridic. Es simplemente un referentia facile pro comprender le Politica de Confidentialitate complete. Considera lo como le interfacie facile a usar pro nostre Politica de Confidentialitate.
Perque nos crede que tu non debe esser obligate a fornir informationes personal pro participar in le movimento de cognoscimento libere, tu pote:
- Leger, modificar o usar qualcunque sito de Wikimedia sin registrar un conto.
- Inscriber te pro un conto sin fornir un adresse de e-mail o nomine real.
Perque nos vole comprender como le sitos de Wikimedia es usate a fin de meliorar los pro te, nos collige alcun informationes quando tu:
- Apporta contributiones public.
- Registra un conto o actualisa tu pagina de usator.
- Usa le sitos de Wikimedia.
- Invia e-mail a nos o participa a un sondage o forni commentario.
Nos es ingagiate a:
- Describer in iste Politica de Confidentialitate como tu informationes pote esser usate o condividite.
- Prender mesuras rationabile pro mantener tu informationes secur.
- Non vender jammais tu informationes ni condivider los con tertie partes pro scopos commercial.
- Solmente condivider tu information in casos limitate, como pro meliorar le sitos de Wikimedia, pro conformar nos al lege, o pro proteger te e alteres.
- Rentener tu datos durante le periodo le plus curte possibile que es compatibile con le mantenentia, le comprension e le melioration del sitos de Wikimedia, e con nostre obligationes sub le lege applicabile.
Non oblida que:
- Qualcunque contento que tu adde o qualcunque modification que tu apporta a un sito de Wikimedia essera publicamente e permanentemente disponibile.
- Si ti adde contento o apporta un modification a un sito de Wikimedia sin aperir session, tal contento o modification essera attribuite publicamente a un conto temporari.
- Nostre communitate de redactores e contributores voluntari es un corpore que se autogoverna. Alcun administratores del Sitos de Wikimedia, qui es eligite per le communitate, usa instrumentos que los da accesso limitate a informationes non public sur contributiones recente a fin que illes pote proteger le Sitos de Wikimedia e applicar politicas.
- Iste politica de confidentialitate non se applica a tote le sitos e servicios operate per le Fundation Wikimedia, como sitos o servicios que ha lor proprie politica de confidentialitate (como le Boteca de Wikimedia) o sitos o servicios operate per tertie partes (como projectos de disveloppatores de tertie partes sur le servicios in nube de Wikimedia).
- Como parte de nostre ingagiamento in favor del education e del recerca in tote le mundo, nos occasionalmente divulga informationes public e informationes aggregate o non personal al publico general per medio de discargas e collectiones de datos.
- Pro le protection del Fundation Wikimedia e altere usatores, si tu non es de accordo con iste Politica de Confidentialitate, tu non pote usar le sitos de Wikimedia.