!!FUZZY!!Pulìtica d'accessu ê nfurmazzioni nun pùbblichi — summariu
Chistu è un summariu amichèvuli pâ Pulìtica d'accessu ê nfurmazzioni nun pùbblichi.
Nota bonu: stu summariu nun è parti dê Pulìtichi d'accessu ê nfurmazzioni privati e nun è un ducumentu ligali. È simplicimenti un ducumentu di rifirimentu pâ cumprinzioni dê mudalità d'accessu cumpletu ê nfurmazzioni privati. Si vuliti, cunzidiràtilu un ducumentu simplificatu.
Poichì nuiàutri cridemu ca la privacy dâ comunità di Wikimedia sia essinziali, li membri dâ cumunità c'hannu accessu a nfurmazzioni privati ponnu rivilari sti nfurmazzioni sulu nta circustanzi ditirminati, comu p'esempiu:
- quannu li membri dâ cumunità hannu nicissità di bluccari tintativi di danniggiamentu ê siti Wikimedia (p'esempiu, assistenza ntâ difinizzioni dê blocchi a l'IP);
- quannu c'è na minazza mmidiata e cridìbbili pâ vita o la nculumità di quarchidunu;
- quannu li membri dâ cumunitati hannu lu pirmissu esplìcitu di l'utenti ca li dati privati hannu a èssiri rivilati;
- quannu chistu è addumannatu dâ liggi.
Poichì nuiàutri cridemu ca la sarvaguardia dâ privacy dâ cumunitati wikimidiana sia un valuri mpurtanti di Wikimedia, chiddi c'hannu accessu ê nfurmazzioni privati hannu a:
- èssiri maiurini (eccettu li membri dô team d'arrispunnuta via e-mail, c'hannu a aviri armenu 16 anni);
- furniri li propi giniralità e nfurmazzioni di cuntattu;
- firmari un mpegnu di risirvatizza.
Poichì nuiàutri ritinemu mpurtanti li membri dâ cumunitati ca ricòprinu stu rolu crìticu ntâ sarvaguardia dê siti Wikimedia e dê sò utenti, e poichì vulemu sarvaguardari la sò privacy, nuiàutri prumittemu di:
- mantèniri risirvati e ô sicuru li sò giniralità, nfurmazzioni di cuntattu e mpegni di risirvatizza;