Заява аб прыватнасьці водгукаў

From Wikimedia Foundation Governance Wiki
This page is a translated version of the page Legal:Feedback privacy statement and the translation is 86% complete.
Outdated translations are marked like this.

Ваш водгук

Мы аддаем вам падзяку за ваш водгук! Водгук ад карыстальніка, падобнага вам — найлепшы шлях да знаходжаньня лепшых практык і адсейваньня горшых, што ў выніку прыводзіць да паляпшэньня нашых праектаў.

Калі вы дасылаеце водгук, далейшыя дзеяньні зь ім цалкам празрыстыя. Мы асобна тлумачым, якім чынам апрацоўваецца публічная інфармацыя і пад якія ліцэнзіі яна падпадае. Сьцісла, вы пагаджаецеся на публічнасьць вашага ўнёску і ліцэнзаваньне яго на ўмовах ліцэнзіяў CC0 або CC BY SA 3.0. Пакуль іншае не пазначана, вашыя зьвесткі, па якіх можна ідэнтыфікаваць асобу, будуць разглядацца як іншая падобная інфармацыя згодна нашых правілаў адносна прыватнасьці, з чаго зыходзіць, што, напрыклад, можа быць разгалошаны ваш ідэнтыфікатар удзельніка.

Калі вы пазначылі свой электронны адрас, мы можам зьвязацца з вамі і дасылаць вам абнаўленьні, датычныя вашага водгуку.

Фундацыя «Вікімэдыя» можа праглядаць ваш водгук і іншую сабраную інфармацыю, якая ўключае ваш ідэнтыфікатар удзельніка (калі пазначаны), ваш IP-адрас, ці любую іншую інфармацыю, пазначаную, альбо перададзеную нам.

У нашых высілках палепшыць дзейнасьць і працэсы Вікімэдыі, мы можам мець патрэбу ў публічным аглядзе ці абмеркаваньні нашых праблем. З гэтай мэтай мы можам апублікаваць некаторыя ці ўсе вашыя водгукі, ці іншую публічную інфармацыю, у публічных мэдыях, у тым ліку на вэбсайтах і блогах.

Вашыя водгукі і публічная інфармацыя могуць быць уключаныя ў склад шырока даступных зьвестак з мэтай аналізу і абмеркаваньня нашай дзейнасьці ў Фундацыі «Вікімэдыя».

Мы можам раскрыць зьвесткі, патрабаваныя па закону, калі мы вымушаныя забесьпячаць нашыя правы, прыватнасьць, бясьпеку ці абараняць удзельнікаў, і, калі трэба, узмацьніць жорсткасьць нашых Умоваў выкарыстаньня.

Мы можам падзяліцца вашым водгукам і іншымі зьвесткамі зь іншымі сэрвісамі з мэтай падтрымаць ці дапамагчы разьвіцьцю дзейнасьці Вікімэдыі.

Дасылаючы водгук, вы пагаджаецеся на перадачу сабраных зьвестак у Злучаныя Штаты Амэрыкі і іншыя месцы, неабходныя для дасягненьня мэтаў і задач, абмеркаваных вышэй. Вы мусіце разумець, што не атрымаеце ніякай кампэнсацыі за ідэі, якімі вы падзяліліся з намі.

Дзякуем зноў за дапамогу ў паляпшэньні праектаў Фундацыі «Вікімэдыя»!

Wikimedia Foundation


Зацемка: пададзены вышэй тэкст зьяўляецца тлумачэньнем таго, якім чынам Фундацыя «Вікімэдыя» абыходзіцца з водгукамі ўдзельнікаў, дасланымі праз прылады, такія як ArticleFeedback, WikiLove, MoodBar, ці іншыя. У працэсе напісаньня водгуку вы мусіце пабачыць спасылку на гэтае тлумачэньне.